Иновативност и креативност („надвор од рамката“)

Зошто ни е потребно да ја поттикнеме креативноста во себе? Зошто иновација?

За да ги следиме светските трендови или за да го разбудиме десниот дел од мозокот за уникатни идеи, решенија и стратегии за успех во нашиот професионален и личен живот? 

Во последниве децении, иновативноста и креативноста станаа клучни вештини за постигнување успех во развиените економии. Потребата за креативно решавање проблеми се појави бидејќи сѐ повеќе прашања во секојдневното менаџирање и управување бараат креативни сознанија за да се најдат соодветни решенија.  

Креативноста оди рака под рака со иновациите. И нема иновации без креативност. Додека креативноста е можност за нови уникатни идеи, иновацијата е спроведување на таа креативност – таа претставува воведување на нова идеа, решение, процес или производ. Креативноста е движечка сила зад иновациите. 

Очекувани резултати 

На крајот од обуката, слушателите:

• Ќе знаат да поттикнат креативен и иновативен процес на размислување кај себе и кај другите 
• Ќе се стекнат со способност да излезат „надвор рамката“ преку употреба на техники и алатки
• Ќе умеат практично да применат креативно и иновативно размислување заради постигнување цели и развивање лични и деловни стратегии
• Ќе умеат да користат креативно и иновативно размислување при решавање проблеми и донесување одлуки во секојдневни конкретни ситуации
• Ќе ја увидат важноста на иновативното и креативно размислување за подобрување на процесот на решавање проблеми и носење одлуки во секојдневието 

Содржина и главни цели на обуката

• Запознавање со иновативен и креативен процес на размислување
• Стекнување лична способност и умешност кај вработените за поттикнување креативност и иновативност во секојдневното работење
• Практична примена на успешни (лични и професионални) стратегии
• Запознавање и практична примена на алатки и методи за креативно размислување надвор од рамката
• Запознавање и практична примена на техники за креативно размислување, со цел подобро решавање проблеми и носење одлуки
• Сопствена и организациска мапа
• Чекори во процесот на креирање иновации на работното место
• Техники за мотивација и начини на излегување од зоната на пасивност и комфор
• Креативно размислување – поттикнување
• Методи за поттикнување креативност и иновации (лични, тимски, организациски)
• Рамки и надвор од рамките
• Процес на иновација во организацијата: Подготовка, Инкубација Инспирација,  Верификација
• Чекори во процесот на креативност и креативното размислување
• Креативност (лично и на работното место) – начини, техники
• Креирање мотивирачка и поттикнувачка клима и култура на работното место и во организацијата
• Неопходност од иновации во секојдневното работење на работното место, во тимот и во организацијата.

Целна група

Оваа обука е наменета за сите кои сакаат да ја поттикнат креативноста и иновативноста кај себеси и/или кај тимот.  Да научат техники, алатки и методи  за практична примена на креативноста и иновативноста на лично и професионално поле.

Методологија на работа

Обуката е од интерактивен карактер со практични и применливи вежби, како и употреба на визуелни помагала (ЛЦД-проектор, лап-топ и/или компјутер, флип-чарт и друго). Онлајн-обуката се одвива преку платформа за онлајн-обуки.

Секој учесник ќе има можност на крајот од обуката практично да ги примени вештините и техниките совладани за време на обуката.

 Материјали

Презентациска скрипта; формулари како обрасци и други дополнителни материјали кои ќе може да се користат во секојдневието. Материјалите ќе  бидат доставени по е-пошта до секој од учесниците.

Времетраење

• При физичко присуство, обуката е еднодневна. Вкупно 6 часа.
• Во целост е прилагодена за онлајн-обука и се одржува двапати неделно по 3 часа во период од 1 недела.

По завршувањето на обуката се добива Сертификат за учество.

Повеќе информации и пријавување на:

тел. 3246-041; 075 446-686

Напишете коментар или оценка

Вашето име:

Вашиот коментар:

Забелешка: HTML-от не е преведен!

Оценка: Лош Добар